မအိပ်ခင်လေး ပျော်လိုက်ကြဦးအမျိုးတို့ ဆို့အောက်သွားပြန်ပီ

ရွှေကျင်ရှိ စစ်ကောင်စီစခန်းကို KNLA ပူးပေါင်းတပ် တိုက်ခိုက်

လက်နက် ၂လက်နှင့် ကျည်များရ

People’s Spring

ကရင်အမျိုးသားအစည်းအရုံး(KNU) ညောင်လေးပင်ခရိုင် ရွှေကျင်မြို့နယ်ရှိ စစ်ကောင်စီတပ်စခန်းတစ်ခုကို ကရင်အမျိုးသားလွတ်မြောက်ရေးတပ်မတော် (K.N.L.A)ပူးပေါင်းတပ်က တိုက်ခိုက်ခဲ့ရာ စစ်ကောင်စီတပ်ထံမှ လက်နက်အချို့ရရှိခဲ့ကြောင်း KNLA ဗဟိုဌာနချုပ်က ယနေ့ညပိုင်း၌ ထုတ်ပြန်သည်။

ရွှေကျင်နှင့် ကွင်းဆိပ်ကြားရှိ စစ်ကောင်စီ၏ ယာလာပွာ(လှည်းယပ်)တပ်စခန်းကို ဒီဇင်ဘာ ၂၂ရက် နေ့လယ်ပိုင်းတွင် KNLA ဦးစီးသည့် တော်လှန်ရေးပူးပေါင်းတပ်က တိုက်ခိုက်ခဲ့ခြင်းဖြစ်သည်။

အဆိုပါ တပ်စခန်းတွင် အာဏာသိမ်းစစ်ကောင်စီတပ် ခမရ−၃၅၁ စခန်းထိုင်ထားခြင်းဖြစ်ပြီး စစ်ကောင်စီထံမှ MA-1 (၁) လက်၊ MA-2 (၁) လက်၊ ကျည် ၁၂၀၀ကျော်နှင့် ဗုံးအချို့ရရှိခဲ့သည်ဟု အသိပေးထားသည်။

တိုက်ပွဲအတွင်း စစ်ကောင်စီတပ် သေဆုံးထိခိုက် အခြေအနေကို ဖော်ပြမထားပေ။

အဆိုပါ ယာလာပွာ စစ်ကောင်စီတပ်စခန်းသည် KNLA တပ်မဟာ(၃)နယ်မြေရှိ ရှေ့တန်းစခန်းတစ်ခု ဖြစ်သည်။

Author: admin

Leave a Reply

Your email address will not be published. Required fields are marked *