ကျောက်ဖြူ ပလက်ဝ ဈေးကွက်ပေါ်ရောက်ပြီနော်

ကျောက်ဖြူနှင့် ပလက်၀တွင် AAနှင့် စစ်ကောင်စီ တိုက်ပွဲဆက်ဖြစ်

မြောက်ဦး၊မောင်တောနှင့် ကျောက်တော်တွင် စစ်ကောင်စီ တိုက်ခိုက်မှုကြောင့် အရပ်သားများ ထိခိုက်ဒဏ်ရာရ

စစ်တွေရှိ တောကန်ရွာကို စစ်ကောင်စီမီးရှို့၊ ဒေသခံကုန်သည်၏ စပါးနှင့်ဆန်များ သိမ်းယူ

People’s Spring

ရက္ခိုင်ပြည်နယ် ကျောက်ဖြူမြို့နယ်နှင့် ချင်းပြည်နယ် ပလက်၀မြို့နယ်တို့တွင် ရက္ခိုင့်တပ်တော်(AA)နှင့် စစ်ကောင်စီတပ်တို့ တိုက်ပွဲဆက်လက်ဖြစ်ပွားခဲ့‌ကြောင်း ညီနောင်မဟာမိတ် သုံးဖွဲ့က သတင်းထုတ်ပြန်သည်။

၁၀၂၇ စစ်ဆင်ရေး ၅၈ရက်မြောက် ဒီဇင်ဘာ ၂၃ရက် တိုက်ပွဲသတင်းထုတ်ပြန်ရာ၌ ရက္ခိုင်ဒေသနှင့် ပလက်၀ ဒေသ စစ်ရေး အခြေအနေကို အသိပေးသည်။

ကျောက်ဖြူမြို့နယ်၊ စနဲမြို့မြောက်ဘက် စနဲမြို့နှင့် အဝတောင်ကျေးရွာကြားတွင် စစ်ကောင်စီတပ်ဖွဲ့ဝင်များ စစ်ရေးလှုပ်ရှားလာ၍ AAနှင့် မိနစ်အနည်းငယ်အကြာ တိုက်ပွဲဖြစ်ခဲ့ရာ စစ်ကောင်စီတပ်ဖွဲ့ဝင် ၄ဦး ဒဏ်ရာရရှိခဲ့သည်ဟု ထုတ်ပြန်သည်။

ဒီဇင်ဘာ ၂၂ရက်ကလည်း စစ်ကောင်စီ ဓည၀တီ ရေတပ်စခန်းအနီး တွင် AAနှင့် စစ်ကောင်စီတို့ တိုက်ပွဲဖြစ်ပွားခဲ့သည်။

AA နှင့် စစ်ကောင်စီတပ်တို့သည် ပလက်ဝမြို့အတွင်း၌လည်း ဒီဇင်ဘာ ၂၂ရက်က တိုက်ပွဲဖြစ်ပွားခဲ့သည့် နေရာ၌ ဆက်လက်တိုက်ပွဲဖြစ်ခဲ့သည်ဟု အသိပေးသည်။

မြန်မာ-အိန္ဒိယ နယ်စပ် BP-9 ပလက်၀မြို့နယ် မြိတ်၀ရွာ တောင်ဘက် ၅ကီလိုမီတာတွင်ရှိသည့် စစ်ကောင်စီတပ်စခန်းကို AAက သိမ်းပိုက်နိုင်ရေးတိုက်ခိုက်နေခြင်းဖြစ်သည်။

မောင်တောမြို့ မြို့သူကြီးအခြေစိုက် စစ်ကောင်စီ၏ “နခခ (၅) တပ်ရင်း” မှ မောင်တောမြို့နယ်၊ ညောင်ချောင်းအုပ်စု၊ ရွှေရင်အေး ကျေးရွာအား လက်နက်ကြီးဖြင့် (၉) ကြိမ် ပစ်ခတ်ခဲ့ကြောင်း၊ ထိုသို့ပစ်ခတ်မှုကြောင့် အမျိုးသမီးတစ်ဦး ဒဏ်ရာရခဲ့ကြောင်း ထုတ်ပြန်သည်။

စစ်ကောင်စီမှ ရွှေရင်အေးကျေးရွာအား ဒရုန်းအသုံးပြုကာ Drop Bomb နှစ်လုံးဖြင့် ရည်ရွယ်ချက်ရှိရှိ လာရောက် ကြဲချတိုက်ခိုက်ခဲ့သည်ဟုလည်း ဖော်ပြထားသည်။

ကျောက်တော်အခြေစိုက် စစ်ကောင်စီ၏ စကခ (၉) တပ်ရင်းမှ ကျောက်တော်မြို့နယ်၊ ပြင်လှကျေးရွာအား တမင် ရည်ရွယ်ချက်ရှိရှိ ဒရုန်းဖြင့် (၂) ကြိမ် လာရောက်၍ ဗုံး (၆)လုံးပစ်ချတိုက်ခိုက်ခဲ့မှုကြောင့် အသက် (၅၄)နှစ်အရွယ် ဒေသခံအမျိုးသမီးတစ်ဦး လည်ပင်း၌ ဗုံးစထိမှန်ဒဏ်ရာရရှိကာ နေအိမ်အချို့ ပျက်စီးခဲ့သည်ဟု ထုတ်ပြန်သည်။

စစ်ကောင်စီက အရပ်သားပြည်သူများနေထိုင်ရာ နေရာများသို့ ဒရုန်းဖြင့် တမင်တကာ ဗုံးကြဲချမှုများ အဆက်မပြတ် လုပ်ဆောင်နေခဲ့သောကြောင့် အဆိုပါကျေးရွာနှင့် အနီးအနားကျေးရွာများမှ ဒေသခံအချို့သည် ဘေးလွတ်ရာသို့ ထွက်ပြေးတိမ်းရှောင်လျက်ရှိသည်ဟုဆိုသည်။

ကျောက်တော်မြို့နယ်၊ ပြင်လှကျေးရွာတွင်လည်း လက်နက်ကြီး နေအိမ်တစ်လုံးပေါ်၌ ကျရောက် ပေါက်ကွဲခဲ့ ရာမှ အဆိုပါနေအိမ်မှာ မီးလောင်ခဲ့ပြီး နီးစပ်ရာနေအိမ်အချို့မှာလည်း မီးကူးကာ လောင်ကျွမ်းပျက်စီးခဲ့ရသည်ဟု ဆိုသည်။

စစ်ကောင်စီတပ်သည် စစ်တွေမြို့နယ်၊ တောကန် ကျေးရွာရှိ ဒေသခံများ၏ နေအိမ်များအား ဓာတ်ဆီလောင်း၍ တမင်တကာ မီးရှို့ဖျက်ဆီးခဲ့သည့် အပြင် ဆိပ်ကမ်းအနီး၌ရှိသည့် ဒေသခံဆန်ကုန်သည်များ၏ စပါးများနှင့် ဆန်အိတ်ပေါင်း (၈၀၀) အိတ်ခန့်၊ ဆန်ကွဲအိတ် (၁၀)ကျော်တို့အားလည်း အတင်းအဓမ္မလုယူသွားခဲ့ကြောင်း ညီနောင်သုံးဖွဲ့က ထုတ်ပြန်သည်။

တချိန်တည်း၌ပင် ၎င်းဆိပ်ကမ်းအနီးရှိ ဒေသခံများပိုင်ဆိုင်သော ဆိုင်ကယ် (၃)စီးနှင့် ဟွန်ဒါလှေ များတွင် တပ်ဆင်ထားသည့် အင်ဂျင်စက်များကိုပါ ယူသွားသည်ဟု ဆိုသည်။ထို့ပြင် ဒေသခံဘုတ်သမား နှစ်ဦးအားလည်း ဖမ်းဆီးကာ စစ်တွေအခြေစိုက် BGတပ်သို့ ခေါ်ဆောင်သွားကြောင်း အသိပေးသည်။

Author: admin

Leave a Reply

Your email address will not be published. Required fields are marked *