ဟိုတယ်အခန်းထဲမှာ ထားပေးတဲ့ ရေသန့်ဗူးတွေကို မသောက်ဘဲ ဧည့်ခန်းထဲကရေဗူးကိုပဲ လာခပ်သောက်နေတဲ့ နိုင်ငံခြားသားကို ဘာကြောင့်အဲလိုသောက်တာလဲလို့ မေးကြည့်လိုက်တဲ့အခါ

ဟိုတယ်အခန်းထဲမှာ ထားပေးတဲ့ ရေသန့်ဗူးတွေကို မသောက်ဘဲ ဧည့်ခန်းထဲကရေဗူးကိုပဲ လာခပ်သောက်နေတဲ့ နိုင်ငံခြားသားကို ဘာကြောင့်အဲလိုသောက်တာလဲလို့ မေးကြည့်လိုက်တဲ့အခါ

နယူးဇီလန်နိုင်ငံသားတစ်ယောက် ရန်ကုန်ဟိုတယ်ကြီးတစ်ခုမှာ လာတည်းတယ်။

ဟိုတယ်က သောက်ရေသန့်ဗူးတွေ သူ့အခန်းထဲမှာ နေ့စဉ်အလုံအလောက်ထည့်ပေးတယ်။

ဒါပေမဲ့ သူ အဲဒီရေသန့်ဗူးသစ်တွေ ဖောက်မသောက်ဘူး။

ပထမဆုံး ရောက်စက ဖောက်တဲ့ဗူးခွံထဲကိုပဲ ဧည့်ခန်းမကြီးမှာရှိတဲ့ ရေသန့်ဗူးကြီး ( waters cooler) ကနေ အမြဲပြန်ထည့်သောက်တယ်။

သူနေ့စဉ် အဲသလိုလုပ်ပြီး သောက်နေတာမြင်တော့ ဧည့်ကြိုကောင်လေးက ထူးဆန်းနေတဲ့အမြင်နဲ့ ဧည့်သည်ကြီးကိုမေးတယ်…,

Excuse me please …! ပေါ့…,

ဘာကြောင့် ဗူးအသစ်တွေပေးထားရဲ့သားနဲ့ ဗူးခွံတစ်ခုနဲ့ပဲ ထပ်တလဲလဲ အပင်ပန်းခံ ဧည့်ခန်းမှာ ရေလာလာဖြည့်ပြီး သောက်သလဲ…! ပေါ့…,

ဧည့်သည် နယူးဇီလန်သားက ပြောတယ်…,

 

ငါ တစ်ရက်ကို ရေ ၃ ဗူးသောက်တယ်…, ငါ ရန်ကုန်မှာ အလုပ်တာဝန်နဲ့ တစ်လ နေမှာ…! ငါ ပြန်သွားတဲ့အခါ မြန်မာပြည်မှာ ရေသန့်ဗူးခွံ ၉၀ (၃ ဗူး ရက် ၃၀ = ၉၀) အမှိုက်အဖြစ် ချန်မထားခဲ့ချင်ဘူး…! တဲ့လေ…,

လွန်ခဲ့တဲ့ ၅ နှစ်ကျော်လောက်က ဖတ်မိ၊ မှတ်မိခဲ့တဲ့ ဆောင်းပါးတစ်ခုပါ။

ရေဗူးအသစ်သောက်မှ လူရာဝင်တယ်ထင်…, ဖောက်ပီးပြန်လည်း တဝက်တပျက် ကုန်အောင်မသောက်ပဲ တွေ့ကရာ ပစ်ခဲ့ကြတာကို ယဉ်ကျေးမှုလို့ထင်နေကြတဲ့ မြန်မာတချို့အစား ရှက်မိသားဗျာ…,

လေးစားမိပါတယ် ဧည့်သည်ကြီးရေ…!

အဲဒီဆောင်းပါးဖတ်မိပြီးကတည်းက အလကားရနေပါစေဦးတော့ ဗူးအသစ်တွေမလိုအပ်ပဲ မဖေါက်တော့သလို၊ တတ်နိုင်သမျှ ဗူးအကြီးထဲကရေကိုပဲ ဗူးအသေးထဲ အလီလီ ပြောင်းထည့် သောက်ခဲ့ဖြစ်တော့တယ်…။ ။

Credit to Owner