မိန်းမခိုးမည့်ညမှာ ဆက်ဖီဆွဲတတ်လွန်းတဲ့ ညီမသိသွားလို့ နွားဖြစ်မှန်းသိလိုက်ရတဲ့အဖြစ်
“ကိုရီး ကုပ်ချောင်းချောင်းနဲ့ ဘာလုပ်နေတာလဲ”“ငင် … ” လှည့်ကြည့်လိုက်တော့ ကျုပ်ညီမဗျ အိပ်ချင်မူးတူးနဲ့ သူ့အခန်းထဲကထွက်လာတယ်…” နင်ခုထိ မအိပ်သေးဘူးလား ”“အိပ်မက်ထဲမှာ ကိုရီး မိန်းမသွားခိုး မယ်လို့ မက်လို့ လန့်နိုးလာတာ ”
” ငါ့နှယ် အဲဒါမက်တာနဲ့ လန့့်နိုးစရာလား ”
” နိုးတာပေါ့ ကိုရီးနဲ့ညားပြီး ဘယ်ငတိမ ကံဆိုးမလဲပဲ စိတ်ပူနေရတာ ”” ငိမ့် … ” မောင်နှမ အချင်းချင်းတောင် ကပ်ဖဲ့နေသေးတယ်
“ကလေးနေရာ ကလေးနေစမ်းပါဟာ သွားအိပ်တော့ ”“ဒါနဲ့ ကိုရီးက ဘယ်သွားမှာလဲ”“အဟိမ်း ” (ပီတိသံကြီးနဲ့ )
“မိန်းမသွားခိုးမလို့ … ”“ဟယ် ဘယ်သူ့ကိုလဲ ”“ တောင်ပိုင်းက စက်သူဌေးသမီး အေးကြည် ”“အားလားလား … နေဦး ဒါဆို နေဦး ”
ကျုပ်ညီမက အံ့ဩတဲ့ အသံကြီးနဲ့ အခန်းထဲ ပြန်ဝင်သွားပါလေရောခဏနေတော့ သူ့ဖုန်းကြီးနဲ့ ပြန်ထွက်လာတယ်လေ….
“ငင် … အာ့ ဘာလုပ်ဖို့တုန်း ”“ကိုရီး လူပျိုဖြစ်တဲ့ နောက်ဆုံးအချိန်လေး အမှတ်တရပေါ့ကွာ ”
“အွင့် အရေးကြီးနေပါတယ်ဆိုမှ ဒီညီမက တစ်မှောင့်ကဲကွာ ရိုက်ရိုက် … ”ကိုယ်ကလည်း စိတ်မပါဘူး လက်ကလေးနှစ်ချောင်းတောင်ထောင်ပြလိုက်သေးတယ်….ဒီလိုနဲ့ ညီမဖြစ်သူကို ထားခဲ့ပြီး အိမ်ရှေ့ကလှေပေါ် တက်တာပေါ့ရွာမှာဆိုတော့ တောင်ပိုင်းကိုလှေနဲ့သွားရတာကိုးလှေထဲမှာက လှေလှော်မယ့့်ငတိက အသင့် …
” ဟျောင့် မင်းပုံစံက အလွင့်ကြီးပါလားဟ … ”“မင်းကလည်းကွာ ငါဘာမှပြင်မထားပါဘူးဟ … ”“ပုံထဲမှာ ပြောနေတာဟ … ”
“ဘယ်ကပုံလဲ”“ခုလေးမှ မင်းညီမ တင်ထားတဲ့ပုံလေ … မင်းကိုတောင်တက် လုပ်ထားသေးတယ် …
ပြီးတော့ စာတောင် ရေးထားသေးတယ်အေးကြည်မကို အစ်ကိုကြီး သွားမခိုးခင်တဲ့ … ”ငတိပြောတာ မယုံတာနဲ့ ခါးကြားထဲက အိုင်ဖုန်း (ကလုန်း) ကြီးဆွဲထုတ်လိုက်တယ် …ပြီးတော့ လိုင်း ဖွင့်ကြည့်တာထိပ်ဆုံးမှာ ငတိမနဲ့ ရိုက်လာတဲ့ပုံကြီးကို ပြူးလို့….
အမယ် ဟ ဟ ရီအက်တောင် ၁၆ခုရနေပြီ …ပြီးတော့ ကွန်မန့် တိုင်ပင်လေးဝင်နေတာနဲ့ စောင့်ကြည့်နေလိုက်တယ် …
~~ငါ့သား လှေကို ဖြေးဖြေးလှော်သွားဦး…ပုံ………မင်းအဖေ သာဂွ …
အမယ် ထိပ်ဆုံးက ကျုပ်အဖေ ရေးတာဗျ ….အားကိုးရပြီဆိုတော့လွှတ်ပျော်တာပေါ့ဗျာ .…မကြာဘူး နောက်ထပ် ကွန်မန့်တစ်ခုဝင်လာတယ် …~~ဖိုက်တင်း သားရေ မရရအောင်ခိုးပုံ……မင်းအမေ ပူစူးမ
ဒုတိယမြောက်က အမေကိုးဗျ … မဆိုးဘူး တစ်အိမ်သားလုံးကကျုပ်မိန်းမရမှာကို အားပေးကြတယ် ဆိုတော့ အားတက်စရာဗျ….
ခဏနေတော့ အဖေနဲ့အမေ ကွန်မန့်တွေကို ဟ ဟ ရီအက်ရှင် ပေးပြီး ညီမလေးက ထပ်ရေးတယ်….~~ကွန်ဂရစ် ကိုရီး
ပုံ…….ကိုရီး တစ်ဦးတည်းသောညီမ နှင်းမြ
ဒီလိုနဲ့ လှေကလည်း အေးကြည်မတို့ အိမ်ကို လှမ်းမြင်ရတဲ့နား ရောက် လာ ပါလေရော …အဲဒီအချိန်ကျမှ ကွန်မန့်တစ်ခု ထပ်ဝင်လာတယ်….
~~ ကမ်းစပ်က ဓားနဲ့စောင့်နေတယ်
ပုံ……အေးကြည်မ အစ်ကိုအကြီးဆုံး တာတီး….အောင်မယ်ငီး ကြက်သီးတောင်ထတယ် …တာတီးဆိုတဲ့ကောင်က တကယ်လုပ်တာဗျ ….အရပ်ထဲမှာလည်း သူသတ်ခဲ့တဲ့ ဝက်တွေ နည်းတာမဟုတ်ဘူးလေ….ခဏနေတော့ ကွန်မန့်တစ်ခုထပ်ဝင်လာတယ် …စိတ်မပူနဲ့ငြိမ်းမောင် တာတီးက ငါနဲ့အရက်ဝိုင်းမှာဟ….ပုံ……….မင်းအစ်ကို တစ်ဝမ်းကွဲ လှဆောင်
“ဟူး … တော်သေးလို့ သူငယ်ချင်းရေ ကိုလှဆောင်ကြီး ကယ်လို့ဟမဟုတ်ရင် တာတီးက မလွယ်ဘူး ”“ငါပါနေတာပဲ ငြိမ်းမောင်ရာ ဘာပူစရာရှိလို့လဲ… ”“ အေးပါကွာ … ”ခဏနေတော့ နောက်ဆုံးကနေပြီး ကွန်မန့်ထပ်ဝင်လာတယ်ဗျ….
~~ကိုငြိမ်းမောင် မြန်မြန်လာခဲ့တော့ ဒီမှာ ဖေဖေတို့နိုးနေပြီလားမသိဘူး …ပုံ……နင့်ချစ်သူ အေးကြည်မ
ချစ်သူလေးကပါ ကွန်မန့်ဝင်ရေးတော့ အားတက်သွားတာပေါ့….” မြန်မြန်လှော်ပါဟ သူငယ်ချင်းရ ”” လှော်နေတာပဲလေကွာ ဟိုမှာလှမ်း မြင်နေရပြီ ”ကျုပ်လှမ်းကြည့်တော့ ကမ်းစပ်မှာ အေးကြည်မက အဝတ်ထုပ်လေးပိုက်လို့ …
ခဏနေတော့ အေးကြည်မကွန်မန့့်ကို သူ့အစ်ကိုငယ်က အန်ဂရီးရီအက်ရှင် ပေးပြီး ရီပလိုင်းပြန်ပါလေရော….
ငါ့ညီမလာခိုးတဲ့ကောင်ကတော့ ငါ့ဓားစာမိမယ်… အေးကြည်မနင်အထဲပြန်ဝင်စမ်း …ပုံ………..အေးကြည်မ အစ်ကိုလေး ဓားငသောင်း…. “ငိန် … ”
သေပြီနဲ့တူတယ် လှမ်းကြည့်တော့ ငတိကလည်း အိမ်ထဲကနေတကယ်ကြီးထွက်လာတာဗျ …ကျုပ်တော့ဒီတစ်သက်မိန်းမမရတော့ဘူးနဲ့ တူပါတယ် …မကြာဘူး အဲဒီရီပလိုင်းထဲမှာပဲ နောက်ကွန်မန့်တစ်ခု ဝင်လာရောဗျ….
~ငသောင်း အိမ်ထဲပြန်ဝင် … အေးကြည်မ ဂရုစိုက်ပြီးလိုက်သွား ဟိုကောင်ငြိမ်းမောင် ငါ့သမီးကိုသေသေချာချာစောင့်ရှောက် …
ပုံ……….မင်းမတော်ရသေးတဲ့ ယောက္ခထီး စက်သူဌေးဘစိန်
အဲဒီကွန်မန့်ဝင်လာတာနဲ့ လှေကိုချက်ချင်းကမ်းကိုကပ် …အေးကြည်မကို လှေပေါ်တင်ပြီး အသေလှော် လစ်တာပေါ့ …..
အိမ်နဲ့ဝေးလာမှ ယောက္ခမလောင်းကြီးကွန်မန့်ကို လက်ဖ်ရီအက်ရှင်ပေးပြီး ရီပလိုင်းပြန်လိုက်တယ်…..
~ဟုတ်ကဲ့ခင်ဗျလို့လေ … ။
ဘလာ. . . ဘလာ . . ဘလာ . . .ဘလာ. . .မနက်လင်းတော့ ဘာတွေများရေးထားမလဲလို့ Facebook လေးဖွင့်ကြည့်လိုက်တယ်. . (.အေးကြည်မကတော့ အိပ်ကောင်းနေတုန်း. .ညက ပင်ပန်းထားတာကိုး. . . ငိငိ..)အကောင့်စိမ်းတစ်ခုက Commemt လာရေးထားတယ်. . “.ဟျောင့် မင်းတော့ နွားဖြစ်ပီ” တဲ့. .သေရောဗျာ. ……ရယ်မောခြင်းဖြင့် အသက်ရှည်ကြပါစေ……။
Crd – Original Uploader
