ဒီနေ့အဖို့ ခိုင်သွားပြီဟေ့ မွှင်းခါး ရှယ်ကြီးတွေ

ဇန်နဝါရီလအတွင်း စစ်တပ် ဗိုလ်မှူးချုပ်အဆင့်မှ ဗိုလ်မှူးအဆင့် အထိ အရာရှိ ၁၀ ဦး စစ်မြေပြင်တွင် သေဆုံး၊ လက်နက်ချသူနှင့် အရှင်ဖမ်းဆီးခံရသူ ဗိုလ်မှူးချုပ်အဆင့်မှ ဗိုလ်မှူး အထိ ၁၁ ဦးရှိ

ဖေဖော်ဝါရီ ၃

အကြမ်းဖက်စစ်ကောင်စီတပ်ဘက်မှ ဗိုလ်မှူးချုပ်၊ ဗိုလ်မှူးကြီး အပါအဝင် ဗိုလ်မှူးအဆင့်အထိ အရာရှိ ၁၀ ဦး စစ် မြေပြင်တွင် လွန်ခဲ့သည့် ဇန်နဝါရီလအတွင်း သေဆုံးခဲ့ပြီး ဗိုလ်ကြီးအဆင့်ရှိသူ ၆ ဦးသေဆုံးခဲ့ကြောင်း ရန်ကုန်ခေတ်သစ်သတင်းဌာနက ကောက်ယူထားသော သတင်းအချက်အလက် သိရှိရသည်။

၁။ Mi17 ရဟတ်ယာဉ်မှူး ဗိုလ်မှူး ဇော်မျိုးသန့် (အသက် ၄၂-နှစ်)
====================================
ကချင်ပြည်နယ်၊ ၀ိုင်းမော်မြို့နယ်တွင် ဇန်နဝါရီလ ၃ ရက်နေ့ Mi17 ရဟတ်ယာဉ်မှူး ဗိုလ်မှူးဇော်မျိုးသန့် အပါအဝင် စစ်ကောင်စီတပ်ဖွဲ့ဝင် ၈ ဦးလိုက်ပါသော ရဟတ်ယာဉ်ကို KIA က ပစ်ခတ်ချခဲ့ရာ ရဟတ်ယာဉ် ပျက်သွားပြီး စစ်ကောင်စီတပ်ဖွဲ့ဝင် ၈ ဦးလုံး သေဆုံးသွားခဲ့သည်။

၂။ ဒုဗိုလ်မှူးကြီး အောင်ဇော်လင်း (တပ်ရင်းမှူး)
===========================
ဇန်နဝါရီလ ၇ ရက်နေ့ စစ်ကိုင်းတိုင်း ဘုတလင်မြို့နယ် ယုန်လှေးကုန်း ကျေးရွာသို့ စစ်ကြောင်းထိုးလာသော စစ်ကြောင်းကို ကျောင်းသားလက်ရုံးတပ်တော် (SAF) နှင့် မုံရွာခရိုင် တပ်ရင်း-၂၄၊ မြို့နယ် ပကဖ တို့ က ပူးပေါင်းပြီး သီးပင်အိုင် ကျေးရွာ အနောက်ဘက်တွင် တိုက်ခိုက်ခဲ့ရာ စစ်ကြောင်းမှ ဒုဗိုလ်မှူးကြီး အောင်ဇော်လင်း (တပ်ရင်းမှူး) သေဆုံးခဲ့သည်။

၃။ ခမရ ၃၈၀ မှ တပ်ရင်းမှူး ဒု ဗိုလ်မှူးကြီး
========================
ဇန်နဝါရီလ ၁၃ ရက်နေ့ မင်းပြားမြို့ရှိ စစ်ကောင်စီ ခမရ ၃၇၉ ၊ ခမရ ၃၈၀ ၊ခမရ ၅၄၁ တို့ကို ၂၀၂၄ ဇန်နဝါရီလ ၁၀ ရက်နေ့ နံနက်အစောပိုင်းမှ စတင်ကာ AAက တိုက်ခိုက်ခဲ့ရာ ခမရ ၃၈၀ တပ်ရင်းမှူး နှင့် အရာရှိ (၅)ဦး သေဆုံးခဲ့သည်။

၄။ တိုက်လေယာဉ်မှူး ဗိုလ်မှူး ကျော်သူရ DSA-44 ၊နမ့်စန် လေတပ်စခန်းဌာနချုပ်
=========================================
ဇန်နဝါရီလ ၁၆ ရက်နေ့ ရှမ်းမြောက် ကွတ်ခိုင်မြို့နယ် နမ့်ဖတ်ကာ ကျေးရွာ၊ မနူယာန် ဒေသတွင် ဗုံးလာကျဲသည့် စစ်ကောင်စီ၏ FTC 2000G တိုက်လေယာဉ်ကို KIA က ပစ်ချခဲ့ပြီး ယင်းလေယာဉ်သည် နမ့်စန် လေတပ်စခန်းဌာနချုပ်မှ ဖြစ်ကြောင်း၊ လေယာဉ် ပျက်ကျမှုကြောင့် တိုက်လေယာဉ်မှူး (၂)ဦး သေဆုံးခဲ့ပြီး လေယာဉ်မှူး (၁)ဦးမှာ ဗိုလ်မှူး ကျော်သူရ ဖြစ်ကြောင်း သိရသည်။


၅။ ဗိုလ်မှူး ထူးသက်ပိုင်၊ တပ်ရင်းမှူး ခလရ ၂၇၆ မိုးမိတ်
===============================
ဇန်နဝါရီလ ၁၈ ရက်နေ့ မိုးမိတ်တိုက်ပွဲတွင် ဗိုလ်မှူးထူးသက်ပိုင် သေဆုံးခဲ့ပြီး နာရေးကို ၂၀၂၄ ခုနှစ်၊ ဇန်နဝါရီလ ၂၄ ရက်နေ့ ၎င်း၏ ဇာတိဖြစ်သော ရှမ်းပြည်နယ်တောင်ပိုင်း၊ ဆီဆိုင်မြို့နယ်၊ ဘန်းယဉ်မြို့ နေအိမ်၌ ပြုလုပ်ခဲ့သည်။

၆။ ဗိုလ်မှူး ဇော်ဝင်းလှိုင်၊အမှတ်(၂၁၅) ခြေမြန်တပ်ရင်း ရဲမွန်မြို့
===================================
ဇန်နဝါရီလ ၂၁ ရက်နေ့ ရခိုင် ကျောက်တော် မြို့နယ် တိုက်ပွဲအတွင်း ဗိုလ်မှူးဇော်ဝင်းလှိုင် သေဆုံးသည်။
၇။ ဗိုလ်မှူးချုပ် အေးမင်းနောင် DSA-41 ၊တပ်မမှူး အမှတ်(၄၄)တပ်မ
======================================
ဇန်နဝါရီလ ၂၉ ရက်နေ့ ကရင်ပြည်နယ်၊ မြ၀တီမြို့အနီး သင်္ဃန်းညီနောင်တွင် သင်္ဃန်းညီနောင်တွင် စစ်ကောင်စီ ရဟတ်ယာဉ်တစီး ပစ်ချလိုက်ပြီး တပ်မ(၄၄) တပ်မမှူး ဗိုလ်မှူးချုပ် အေးမင်းနောင် အပါအဝင် ၅ ဦး သေဆုံးကြောင်း ပြည်သူ့ကာကွယ်ရေးတပ်မတော် တောင်ပိုင်းတိုင်း စစ်ဒေသမှ တာဝန်ရှိသူ တစ်ဦးက အတည်ပြုပြောဆိုသည်။

၈။ ဗိုလ်မှူး စိုးလွင်ထွန်း ယာယီတပ်ရင်းမှူး ခမရ(၉)
==============================
ဇန်နဝါရီလ ၂၉ ရက်နေ့ ကရင်ပြည်နယ်၊ မြ၀တီမြို့အနီး သင်္ဃန်းညီနောင်တွင် သင်္ဃန်းညီနောင်တွင် စစ်ကောင်စီ ရဟတ်ယာဉ်တစီး ပစ်ချလိုက်ပြီး တပ်မ(၄၄) တပ်မမှူး ဗိုလ်မှူးချုပ် အေးမင်းနောင်၊ ဗိုလ်မှူးစိုးလွင်ထွန်း အပါအဝင် ၅ ဦး သေဆုံးကြောင်း ပြည်သူ့ကာကွယ်ရေးတပ်မတော် တောင်ပိုင်းတိုင်း စစ်ဒေသမှ တာဝန်ရှိသူ တစ်ဦးက အတည်ပြုပြောဆိုသည်။
၉။ ဗိုလ်မှူး တိုးဦး ၊လေယာဉ်မှူး ၊ Eurocopter 365 ရဟတ်ယာဉ်
====================================
ဇန်နဝါရီလ ၂၉ ရက်နေ့ ကရင်ပြည်နယ်၊ မြ၀တီမြို့အနီး သင်္ဃန်းညီနောင်တွင် သင်္ဃန်းညီနောင်တွင် စစ်ကောင်စီ ရဟတ်ယာဉ်တစီး ပစ်ချလိုက်ပြီး လေယာဉ်မှူး ဗိုလ်မှူးတိုးဦး အပါအဝင် ၅ ဦး သေဆုံးကြောင်း ပြည်သူ့ကာကွယ်ရေးတပ်မတော် တောင်ပိုင်းတိုင်း စစ်ဒေသမှ တာဝန်ရှိသူ တစ်ဦးက အတည်ပြုပြောဆိုသည်။

၁၀။ ဗိုလ်မှူး / ဒုဗိုလ်မှူးကြီး ၊ တပ်ရင်းမှူး ၊ ခမရ ၃၇၉ မင်းပြား
===================================
ဇန်နဝါရီ ၂၉ ရက်နေ့က ကျန်ရှိနေသည့် ခမရ ၃၇၉ နှင့် ခမရ(၅၄၁) တို့ကို AA က ဆက်လက်တိုက်ခိုက်ခဲ့ရာ ခမရ ၃၇၉ တပ်ရင်းမှူး အပါအဝင် တပ်ဖွဲ့ဝင်များ သေဆုံးပြီး (၅၃)ယောက်ကို အရှင် ဖမ်းဆီးရမိကြောင်း သိရသည်။

ဇန်နဝါရီလအတွင်း လက်နက်ချ အညံ့ခံသူ စစ်အရာရှိများနှင့် အရှင်ဖမ်းဆီးခံရသူများတွင်
၁။ ဒုဗိုလ်မှူးကြီး သက်အောင်၊ စစ်ကြောင်းမှူး ( သံဘို တိုက်ပွဲ)
၂။ ဗိုလ်မှူးချုပ် မိုးကျော်သူ (လောက်ကိုင် ဒကစမှူး )
၃။ ဗိုလ်မှူးချုပ် ထွန်းထွန်းမြင့် (ယာယီဥက္ကဌ ကိုးကန့်ဒေသ)
၄။ ဗိုလ်မှူးချုပ် သော်ဇင်ဦး တမဟ(၁၆)မှူး
၅။ ဗိုလ်မှူးချုပ် အောင်ဇော်လင်း DSA-41 (စကခ(၁၂)မှူး)
၆။ ဗိုလ်မှူးချုပ် အေးမင်းဦး ၊စကခ(၁၄)မှူး
၇။ ဗိုလ်မှူးချုပ် ဇော်မျိုးဝင်း၊ တပ်မ(၅၅)မှူး
၈။ ဗိုလ်မှူး တစ်ဦး မြောက်ဦးမြို့နယ် သင်းကျစ်တော်တောင် တိုက်ပွဲ
၉။ ဗိုလ်မှူးချုပ် ဇင်မျိုးဆွေ (တေဇ-၂၃) ၊ စကခ(၁၉)မှူး
၁၀။ ဒု ဗိုလ်မှူးကြီး ညီညီဝင်း၊ ဗျူဟာမှူး ကျောက်တော် စကခ(၉)
၁၁။ ဗိုလ်မှူး ၁ ဦး ၊ ခလရ(၂၇၃) ကံပေါက်-ရေဖြူ အခြေစိုက် တို့ဖြစ်ကြောင်း သိရှိရသည်။
ဓာတ်ပုံ- ၂၀၁၉ ခုနှစ်၊ စက်တင်ဘာ ၂၄ ရက်နေ့ ခမရ ၄၁၆ တပ်ရင်းမှူး ဒုတိယ ဗိုလ်မှူးကြီးအောင်ပြည့်ဟိန်း( DSA အပတ်စဉ် ၄၅ ) ကွတ်ခိုင်တိုက်ပွဲတွင် သေဆုံးခဲ့ပြီးနောက် စစ်အခမ်းအနားဖြင့် သဂြိုလ်သည့် မြင်ကွင်း ။ (ပုံအဟောင်း ဖြစ်ပါသည်။)

Author: admin

Leave a Reply

Your email address will not be published. Required fields are marked *